重慶洪鼎火鍋 (Closed)

一坐底就叫個雙拼鴛鴦鍋先，我地揀左小辣嘅麻辣鍋拼養顏木耳雞湯。出去拎完醬油個鍋就到，好鍾意個方型鍋，十足十喺大陸打邊爐咁。麻辣嗰邊聞落好香，見到咁紅唔敢試，聽友人說都幾辣下。而雞湯嗰邊就正常味，入面仲搵到隻大雞脾。個盛肉拼盤好精美！啲肉望落好新鮮，食落都無令人失望。有齊牛，豬同羊，質素都唔差。仲叫左呢個五色火鍋小籠包，一層層咁好奢華，有埋timer可以計時，不過味道始終唔及蒸嘅小籠包，但叫黎試下都無妨。另外必叫嘅仲有呢個邪惡午餐肉，炸得好香，每塊都好厚，就咁食同放湯都超正！食重慶火鍋順便就食埋個重慶小麵，味道偏咸，但都可以一試。呢個黑松露水餃同牛丸都好味，都似係手工自製，好新鮮，牛丸都好彈牙！