榮少喇沙 (Closed)

今日突然之間想食下喇沙,上網一查好似呢間叫榮少喇沙的都唔錯,所以就去試一下。去到個陣發現門面和入面既風格好唔同，店內較為新潮。除左有傳統的喇沙之外，都有好多新款的喇沙，或者其他湯底可以選...當然今次就係想食下喇沙。我叫左個珍寶喇沙麵底是油麵溝米粉都算係好跟足傳統的做法...珍寶的菜都算多，有肥牛、豬軟骨，白魚蛋、龍蝦丸、墨魚丸，個湯底都好夠味,我個人比較重口味如果個湯底可以再濃小小就更加好啦。除左麵我都叫左2個小食,其中一個都好特別紫菜魷魚鬚平時都真係好小見,食落個感覺都好特別，值得一試。小食拼盤有分兩人份或三人份，好細心，唔洗再為分唔平均以煩惱。小食拼盤有三款小食，分別是炸雞翼、蝦餅和春卷，炸雞翼是配泰式辣醬，就好似脆香雞翼🤣不過係雞翼上面，多了一種辣粉，更加好味。另外我仲見到一杯比較另類的野飲凍橙檸檬茶,平時檸茶就飲得多原來加左橙入去又係另外一種感覺...唔錯👍🏼