On The Spot Cafe Bar Restaurant

Open Now

Now Closed

見OTS嘅評價不俗，同朋友一直bookmark咗呢度。於是今日趁閒日得閒，就去一轉，試下啲嘢食。 Set lunch第一樣嘢上嘅係佢哋嘅是日餐湯，椰菜花湯。佢嘅顏色同椰菜花唔同，唔係淺綠色，而係暗橙色。飲落都幾順口，而且仲有啲麵包碎喺個湯上面，最尾食埋啲包嘅話，就真係食埋成個湯嘅精華。我同朋友分別嗌咗煎焗豆腐同埋冬陰公蜆肉意大利飯。個煎焗豆腐一上到嚟就寧舍吸引，一望落去成碟都係綠色。之不過碟隔離都有啲菇仔做點綴，睇落唔會咁齋。件豆腐都煎得啱啱好，唔會太乾或太硬。總括而言成碟菜都好好食！之後就仲有冬陰公蜆肉意大利飯。上菜嗰陣隔住個口罩都聞到陣冬陰公嘅濃味，一放到枱上面仲濃，啲蜆肉近睇都夠大隻。食落啲蜆洗得好乾淨，完全冇沙。冬陰公嘅味也都好重，但又唔會蓋過蜆肉嘅鮮味。最後我要咗杯新出嘅iced belgium choco。個杯嘅造型係一個雪山，再配外面不規則淋落嚟嘅朱古力醬，真係十足十一個朱古力火山！而入面嘅朱古力就好重朱古力味，唔會太甜飲唔落。總括嚟講成個用餐體驗都好正，下次會再嚟！