家香 (Closed)

之前係INS體到好多呢間餐廳食物既相已經好吸引，今日終於可以來食下午茶。下午茶都幾抵，48可以包飲品。我地兩個人點左一份奶黃心太軟同千層西多士，飲料加5蚊轉左紅豆冰同杏仁霜。等左大概15分鐘啦。先上千層西多士，其實都幾細個，個西多士有成8層，每層都有榛子醬花生醬，真係好邪惡，我覺得夠曬甜唔使沾其他野，雖然有提供牛油，蜂蜜同朱古力醬，兩個人食都覺得有D滯。之後就系奶黃心太軟，原來上來既時候已經切開左。同平時食葛心太軟唔多一樣，呢度既係好似蛋糕體咁樣，比較濕潤既，都幾特別。而奶黃餡都好香，唔會好甜，感覺都之前好Hit既美心流心奶黃月餅味道都幾似。而飲品方面，紅豆冰真係好多紅豆，甜度適中。杏仁霜都好香，好滑。好在D飲品都唔會好甜。