Video
Read full review
2021-12-16
4737 views
weekday 大概都要早一個月book位，book咗要online 每位俾HKD200 deposit .今日去到，原來嚟過呢幢building 上一層食野，相比下呢間啲位迫好多，擺得好密，我地算好彩，2個人有張沙化位，擺袋都鬆動。環境有大嘅落地玻璃，不過主要係樓境，有少少咁多海景。menu 有688同888，我地選咗888，main course 要咗鵪鶉同加320要咗和牛。餐前小食係一個鰻魚撻，撻中間係珍珠飯，粒粒都好飽滿，飯亦都調咗味，整體有心思，幾好味。包個賣相幾靚，面好光滑，配自家製明太子牛油，牛油好特別，好出色，不過包就似好舊式嗰啲西餐廳嘅餐包，攞上手好油。魚湯用個螺殼盛住，旁邊係未熟嘅意米，唔食得，好得意，我命名為沙中的貝殼🤣，湯係魚湯，好濃味，幾好唔錯。吞拿魚pancake 都有創意，不過其實我覺得有少少唔夾，吞拿魚魚生幾厚切而且新鮮👍，幾唔錯, 旁邊有Wasabi 同cream.之後係北海道帶子，帶子超大隻，勁鮮甜💗，上面仲有啲脆脆牛蒡，好似食薯片咁, 中間係薏米，用Risotto 嘅煮法，濕濕地，配個菇菌汁幾香濃，易入囗又健康。Main course 嘅鵪鶉將身同
今日去到，原來嚟過呢幢building 上一層食野，相比下呢間啲位迫好多，擺得好密，我地算好彩，2個人有張沙化位，擺袋都鬆動。
環境有大嘅落地玻璃，不過主要係樓境，有少少咁多海景。
menu 有688同888，我地選咗888，main course 要咗鵪鶉同加320要咗和牛。
餐前小食係一個鰻魚撻，撻中間係珍珠飯，粒粒都好飽滿，飯亦都調咗味，整體有心思，幾好味。
包個賣相幾靚，面好光滑，配自家製明太子牛油，牛油好特別，好出色，不過包就似好舊式嗰啲西餐廳嘅餐包，攞上手好油。
魚湯用個螺殼盛住，旁邊係未熟嘅意米，唔食得，好得意，我命名為沙中的貝殼🤣，湯係魚湯，好濃味，幾好唔錯。
吞拿魚pancake 都有創意，不過其實我覺得有少少唔夾，吞拿魚魚生幾厚切而且新鮮👍，幾唔錯, 旁邊有Wasabi 同cream.
之後係北海道帶子，帶子超大隻，勁鮮甜💗，上面仲有啲脆脆牛蒡，好似食薯片咁, 中間係薏米，用Risotto 嘅煮法，濕濕地，配個菇菌汁幾香濃，易入囗又健康。
Main course 嘅鵪鶉將身同脾分開上，好貼心，可食得斯文，對我嚟講有啲腥，面用沖繩黑糖實在唔太夾，整體感覺太heavy.
仲有一個係A4和牛，旁邊係甜蕃薯，蕃薯上係薯片，成花型，好賞心悅目😍，牛係入囗即溶，但太肥，感覺好罪惡🙈
dessert 係黃豆雪糕配腐竹，好中西合璧，脆脆嘅腐竹可以以咁嘅形態襯雪糕係幾有諗頭, 底嘅粒粒係鹹蛋朱古力脆脆，整體有創意有層次。
送上嘅兩個小甜品我食唔倒，太飽，最後take away.
coffee 想要mocha 但原來無，要咗cappuccino, 以法菜嚟講算ok ,起碼有個拉花🤣
Post
