Video
Read full review
2019-07-04
787 views
食過「大喜屋」、「樂天大喜屋」，係未食過「殿大喜屋」，一直都好想試下又有咩分別，話明係「殿」，即係高級版本，一於一探究竟！環境一如既往，「大喜屋」既店舖都係好大間，全部卡位，而且座位寬敞，坐得舒服，就算2個人既坐位都好大，叫多左野食都唔怕張枱放唔哂。收費之前去「大喜屋」仲係填餐紙，依家都改左用QRcode，環保好多，餐廳亦慳好多印刷成本。自助區係我心中大喜屋既自助區都算係佢招牌之一，因為自助區已經有好多野食，冷盤有青口、螺肉、三文魚等等，熱食有小丸子、芝士焗肉丸、瑞士雞翼等等，點少得飲品同甜品！飲品有紅酒、白酒、梅酒等等多款酒類任飲，大量罐裝飲料，甜品櫃都有好多個，仲有品牌雪糕任拎。仲有一個區係專門做手卷，即叫即製，仲有供應時段，幾特別。刺身種類繁多，三文魚、油甘魚、帶子等等，回本之選有松葉蟹腳刺身、鱆紅魚、拖羅、池魚王，仲有海膽！三文魚、油甘魚都係厚切，帶子雖然薄但好鮮甜，松葉蟹腳刺身還可以，鱆紅魚係一客咁上，幾清爽。本身怕海膽會腥，但唔會，推薦食千層海膽杯，仲有三文魚、蛋絲係入面，口感豐富！壽司超多選擇，估唔到連高級既赤醋壽司都有，仲有火炙壽司、卷物、軍艦，特別有「賞花祭」，賞花祭
環境
一如既往，「大喜屋」既店舖都係好大間，全部卡位，而且座位寬敞，坐得舒服，就算2個人既坐位都好大，叫多左野食都唔怕張枱放唔哂。
收費
之前去「大喜屋」仲係填餐紙，依家都改左用QRcode，環保好多，餐廳亦慳好多印刷成本。自助區
係我心中大喜屋既自助區都算係佢招牌之一，因為自助區已經有好多野食，冷盤有青口、螺肉、三文魚等等，熱食有小丸子、芝士焗肉丸、瑞士雞翼等等，點少得飲品同甜品！飲品有紅酒、白酒、梅酒等等多款酒類任飲，大量罐裝飲料，甜品櫃都有好多個，仲有品牌雪糕任拎。
仲有一個區係專門做手卷，即叫即製，仲有供應時段，幾特別。
刺身
鱆紅魚刺身
116 views
0 likes
0 comments
千層海膽杯
39 views
0 likes
0 comments
種類繁多，三文魚、油甘魚、帶子等等，回本之選有松葉蟹腳刺身、鱆紅魚、拖羅、池魚王，仲有海膽！三文魚、油甘魚都係厚切，帶子雖然薄但好鮮甜，松葉蟹腳刺身還可以，鱆紅魚係一客咁上，幾清爽。本身怕海膽會腥，但唔會，推薦食千層海膽杯，仲有三文魚、蛋絲係入面，口感豐富！
壽司
各式壽司
98 views
0 likes
0 comments
超多選擇，估唔到連高級既赤醋壽司都有，仲有火炙壽司、卷物、軍艦，特別有「賞花祭」，賞花祭係用刺身砌成花既造型，有我鍾意食既蛋卷壽司！幾特別同幾有心思。
一品料理、燒物
咖哩蟹
52 views
0 likes
0 comments
一口牛
133 views
0 likes
0 comments
燒帆立貝
48 views
0 likes
0 comments
花膠雞湯
156 views
0 likes
0 comments
點少得叫咖哩蟹食！十分入味，而且一客入面都有蟹鉗，仲有花膠、一口牛、黃金螺、羊架等等，燒物有我又係好鍾意食既秋葵、翠玉瓜、菠蘿等等，燒得幾香，燒芝士蝦落足芝士，芝士迷一定要食。仲有鍋物、麵類等等，太飽肚都冇叫，只係試左客花膠雞湯，都幾濃味足料。
炸物
吉列蠔
26 views
0 likes
0 comments
有天婦羅、芝士年糕、吉列蠔等等，冇食好多，試左天婦羅同吉列蠔，都唔會好油溢，吉列蠔炸到好脆好香口。
鐵板
得一款，就係叫和牛薄燒，牛肉質量以放題來說都可以，薄切不乏口感且無渣，都值得食。
甜品
自助甜品區
108 views
0 likes
0 comments
自助區既選擇好多，有朱古力蛋糕、馬卡龍、糯米糍等等，唔少得品牌雪糕，同普通大喜屋唔同既係佢係任拎，而唔係只包一杯，呢間「殿大喜屋」定價最貴，我估雪糕任拎都係原因之一。
總括而言，唔同級別既大喜屋所食既野係有少少分別，呢到有海膽、蟹腳、赤醋壽司任食，再加品牌雪糕任拎，特選時段有85折，計返都唔係貴太多，鐘此食下限定食物同高級少少食物既朋友揀呢間就岩哂啦。
Post
