Video
Read full review
2021-01-22
375 views
黎自日本大阪嘅 〇de▽鯛白湯らーめん，以鯛魚湯拉麵店聞名，喺中環店開咗香港分店。基本上同日本店一樣主打3️⃣款招牌拉麵：鯛魚白湯拉麵、鯛魚清湯拉麵、鯛魚沾麵。每日只賣150碗麵，鯛魚沾麵更加係限定，小妹都係去第2次先食到🍜 招牌鯛清湯拉麵湯底用真鯛魚慢火熬2個鐘，味道清得黎有魚香，鮮甜而不腥😍。拉麵條偏幼身，軟硬適中。拉麵配薄切日式叉燒，肉質幾嫩滑，不過得一片肉略嫌份量太少。湯入面有唔少鯛魚肉粒，比較少魚湯拉麵會加配魚肉，加分！魚肉好滑，連湯一齊食，會令人一啖接一啖😋。一定要講嘅係拉麵配嘅香脆鯛魚皮，魚皮夠厚身而且炸得香脆，好好食，令整碗拉麵增添了不少，係唔可以冇咗嘅配角！ （為食小tips: 如果單叫一片要$48，所以想試魚皮嘅朋友可以叫呢個招牌拉麵，一次過滿足曬2個願望！） 🍜鯛魚白湯拉麵湯底經8小時熬製形成濃厚鯛白湯，小妹見到師傅將白湯打泡先加麵。味道比清湯濃多咗份奶香，有香滑感但唔會覺得油膩。欣賞佢好細心咁係碗邊配上柚子醬，同白湯拉麵一齊食，會有唔同嘅味道，有種清新嘅感覺。 🍜鯛魚沾麵金色大碗上枱個時仲有乾冰煙效，真係有令人嘩！一聲嘅霸氣🤩~~沾麵嘅麵條同湯拉麵唔同，粗d同有波波
招牌鯛清湯拉麵
$138
15 views
0 likes
0 comments
🍜 招牌鯛清湯拉麵
湯底用真鯛魚慢火熬2個鐘，味道清得黎有魚香，鮮甜而不腥😍。拉麵條偏幼身，軟硬適中。拉麵配薄切日式叉燒，肉質幾嫩滑，不過得一片肉略嫌份量太少。湯入面有唔少鯛魚肉粒，比較少魚湯拉麵會加配魚肉，加分！魚肉好滑，連湯一齊食，會令人一啖接一啖😋。一定要講嘅係拉麵配嘅香脆鯛魚皮，魚皮夠厚身而且炸得香脆，好好食，令整碗拉麵增添了不少，係唔可以冇咗嘅配角！ （為食小tips: 如果單叫一片要$48，所以想試魚皮嘅朋友可以叫呢個招牌拉麵，一次過滿足曬2個願望！）
鯛魚白湯拉麵
$138
13 views
0 likes
0 comments
🍜鯛魚白湯拉麵
湯底經8小時熬製形成濃厚鯛白湯，小妹見到師傅將白湯打泡先加麵。味道比清湯濃多咗份奶香，有香滑感但唔會覺得油膩。欣賞佢好細心咁係碗邊配上柚子醬，同白湯拉麵一齊食，會有唔同嘅味道，有種清新嘅感覺。
鯛魚沾麵
$148
21 views
0 likes
0 comments
鯛魚沾麵
$148
42 views
0 likes
0 comments
🍜鯛魚沾麵
金色大碗上枱個時仲有乾冰煙效，真係有令人嘩！一聲嘅霸氣🤩~~沾麵嘅麵條同湯拉麵唔同，粗d同有波波紋嘅，似刀削麵；麵質彈牙，唔錯。湯底超級濃郁，不過味道偏咸，魚味無清湯嘅咁突出。麵嘅份量十足，小妹覺得細食嘅朋友可以2份分，因為食到後半有d濟；沾麵配料比較少，只有湯內幾粒豚肉粒同露筍，感覺有少少齋……
3款黎講，小妹都係最鍾意清湯拉麵；魚味濃又有魚皮食。雖然每碗麵都要~$140蚊，價錢真係唔平，不過真心好食；而且食完有飽飽嘅滿足感。
（小tips：店入面比較細，得十多個位…所以建議大家2點後去會唔洗排咁耐隊）
Post
