冠華粥麵

Open Now

Now Closed

聽聞話呢間屋村小店，因為商場大翻身，有可能被逼結業，今日轉登跑上嚟試試。雖然係叫粥麵店，但呢度個手工燒賣（$20，10粒）略有名氣，大小比坊間魚肉粉頭燒賣大啲啲，食落口感較為糯，更加有𡁻口。既然係叫牛什粉麵專家，順便叫多碗牛雜麵（$36），4小片草肚、2小片金錢肚、1舊肺、2舊腸、1小片膀。老實說，好一般，但好有舊時的味道（尤其湯底），叫做食吓回憶咁啦。另外加多兩支細樽裝可樂（$12@）。真心講，如果專程嚟食，可以慳番（因為都幾山旮旯，而且唔太易搵。如果問路，可以問郵局係邊，因為隔離就係）。但如果係附近，可以一試。