Mee...lemongrass (Megabox) (Closed)

估唔到幾好食喎，每次經過都無諗住食今次老公揀，話想食泰國嘢先入左去。而家連泰菜都有得飲台式飲品，叫左芒果芝芝同伯爵茶珍珠奶茶，真係未試過泰國餐廳叫台式飲品。伯爵茶底奶茶就重手左，伯爵茶味蓋過曬奶味食泰國嘢我一定叫香葉肉碎飯，有好多肉碎，食落唔辣，撈飯真係好好味。bb蛋好搞笑海南雞飯有湯同油菜，海南雞無骨幾滑嫩，油飯好香好夠味，湯唔會好味精。鮮蝦米紙卷，好味蝦大隻彈口，入面既包得夠實不會一食就散曬。兩個人食三百蚊，價錢ok!