古早牛肉麵 (Closed)

今日黎到深水埗，行完黃金之後就見到呢間台灣野。環境好有台灣feel。叫咗一個特盛台灣牛肉肉燥拌麵，一份蚵仔煎同一杯珍珠奶茶微糖，仲有綜合麵線，同埋金橘檸檬愛玉。綜合麵線個大腸少少腥味，但可以接受。金橘檸檬愛玉叫咗微甜，但應該係用糖漿溝水開，所以真係甜咗少少。特盛台灣牛肉肉燥拌麵好足料，但味道普通，唔太突出。珍珠奶茶一樣，冇咩特別驚喜。而蚵仔煎方面，就唔太建議，太少料。總結黎講，係幾平嘅，但差唔多價錢已經可以食到阿元來了。不過係深水埗既話就可以一試。