Video
Read full review
2024-10-24
671 views
原本諗住book間評價高嘅餐廳，想好好慶祝生日，點知變左一場災難。食物伏到極點，服務更係完全冇眼睇。食物：完全不合格Cocktail只係樣靚，入口後即知中伏，好似飲緊啲色素水，要即刻放低。雖然擺盤係為打卡而設，但唔好諗住可以影得耐，因為侍應係會極速幫你收咗個碟。到呢刻都冇奢望啲食物會好食，但實在冇諗過會差到咁。鵝肝多士係凍既。薯條腍到好似冇炸過咁。豬鞍完全冇味，好似食緊蒸水煮肉咁。得個雜錦海鮮意粉叫係正常發揮。另外，叫咗雞翼同牛扒，不過我冇食就唔評價了。服務：比食物更伏呢個服務水平係我見過最差嘅，女侍應們十分不專業。啱啱坐低仲以為一切正常，點知上菜時，枱面上野食開始多嘅時候 ，A侍應就叫我哋「拎開啲嘢俾佢放碟」，大佬呀，食物唔放枱上？要我放邊？膝頭哥？去到差唔多還枱時，B侍應急住嚟收錢，我哋同佢講留咗個「一千零一夜」同生日甜品msg，佢好似完全唔知咁，查完再過嚟暗示我哋甜品係唔夠時間食。但繼續收錢。我哋理解明白你趕時間，但原來要求佢幫手清枱面先再上個「一千零一夜」竟然都係奢求？2分鐘後，A侍應捧住個「一千零一夜」走過嚟，枱係未執嘅，佢無視張枱亂到似垃圾站，就放左個「一千零一夜」去隔籬枱
食物：完全不合格
Cocktail只係樣靚，入口後即知中伏，好似飲緊啲色素水，要即刻放低。雖然擺盤係為打卡而設，但唔好諗住可以影得耐，因為侍應係會極速幫你收咗個碟。
到呢刻都冇奢望啲食物會好食，但實在冇諗過會差到咁。鵝肝多士係凍既。薯條腍到好似冇炸過咁。豬鞍完全冇味，好似食緊蒸水煮肉咁。得個雜錦海鮮意粉叫係正常發揮。另外，叫咗雞翼同牛扒，不過我冇食就唔評價了。
服務：比食物更伏
呢個服務水平係我見過最差嘅，女侍應們十分不專業。啱啱坐低仲以為一切正常，點知上菜時，枱面上野食開始多嘅時候 ，A侍應就叫我哋「拎開啲嘢俾佢放碟」，大佬呀，食物唔放枱上？要我放邊？膝頭哥？
去到差唔多還枱時，B侍應急住嚟收錢，我哋同佢講留咗個「一千零一夜」同生日甜品msg，佢好似完全唔知咁，查完再過嚟暗示我哋甜品係唔夠時間食。但繼續收錢。我哋理解明白你趕時間，但原來要求佢幫手清枱面先再上個「一千零一夜」竟然都係奢求？2分鐘後，A侍應捧住個「一千零一夜」走過嚟，枱係未執嘅，佢無視張枱亂到似垃圾站，就放左個「一千零一夜」去隔籬枱，仲好心話：「乾冰就快冇啦」 再用眼神示意「快啲影啦！」影完即刻收左隻碟，就係咁。呢個生日儀式用咗10秒鐘就「完成」咗了。。
結論：絕對唔會再嚟
成晚體驗無論食物質素、服務態度都完全唔值呢個價錢，亦都徹底摧毀咗我對呢間餐廳嘅所有期望。但佢又有咁高like數。簡直令人費解。而呢間餐廳唯一「值得」嘅係幫我紀錄咗人生中最失望嘅生日。而呢次經歷已經變成咗一個慘痛教訓。見證咗”高like唔等於高質” ！
Post