Video
Read full review
2024-06-12
71 views
香港要搵到好食嘅拉麵，真係唔容易，拉麵同咖啡crossover仲要好食，呢樣真係屈😃作為咖啡狂熱者真係要來試吓！偷聽隔離係熟客仔，職員仲傾返上次飲咗邊種咖啡，記性咁好嘅🤣佢哋推緊自家品牌，着佢哋舖頭出嘅Tee會有獨有優惠，着住佢哋嘅tee指定產品免費同埋免加一，仲有得優先入座！貝汁拉麵上面首先有靚靚無花果乾裝飾，有三隻大蜆一片薄叉燒，仲有一件厚叉燒。湯底由大量貝熬製而成，所以飲落去鮮甜十足☺️湯底真係好香！白醬油高湯拉麵湯底非常清，清到可以見到碗底😋未食之前我就已經係咁飲啲湯，配上佢哋自家製嘅拉麵底，感覺唔錯都幾有咬口。叉燒超大片可以放心咬。甜品方面真係屈機，奶凍巴斯克蛋糕❤️芝士味香濃，上面加咗啲糖，然後用火槍燒過，所以脆脆地，成個味道配搭都好好食。雞蛋布甸用日本蛋「曉」做，用咗蒸焗方式，布甸特別硬淨😃雞蛋味濃。手沖咖啡體驗都非常之好，咖啡豆係Seasonal mix有菊花、花生嘅香氣，重茶感😃啱晒我呢啲好鍾意飲茶嘅人，咖啡清得嚟好香咖啡味。After taste會有少少似茶嘅感覺，係一種新體驗。📍 頂立 (屯門)屯門井財街9號錦發大廈地下20B號舖
貝汁拉麵
上面首先有靚靚無花果乾裝飾，有三隻大蜆一片薄叉燒，仲有一件厚叉燒。湯底由大量貝熬製而成，所以飲落去鮮甜十足☺️湯底真係好香！
白醬油高湯拉麵
湯底非常清，清到可以見到碗底😋未食之前我就已經係咁飲啲湯，配上佢哋自家製嘅拉麵底，感覺唔錯都幾有咬口。叉燒超大片可以放心咬。
1 views
0 likes
0 comments
甜品方面真係屈機，奶凍巴斯克蛋糕❤️芝士味香濃，上面加咗啲糖，然後用火槍燒過，所以脆脆地，成個味道配搭都好好食。
雞蛋布甸用日本蛋「曉」做，用咗蒸焗方式，布甸特別硬淨😃雞蛋味濃。
手沖咖啡體驗都非常之好，咖啡豆係Seasonal mix有菊花、花生嘅香氣，重茶感😃啱晒我呢啲好鍾意飲茶嘅人，咖啡清得嚟好香咖啡味。After taste會有少少似茶嘅感覺，係一種新體驗。
📍 頂立 (屯門)
屯門井財街9號錦發大廈地下20B號舖
Post
