Hugo Le Resto Grill (Closed)

有品味的西餐廳同朋友行完街，抬頭一望，就隨便揀左間西餐廳，估唔到有意料之外。甫一出𨋢，就見到紅色水泥牆上掛著型格的店名 - Hugo Le Resto Grill 入到店內, 裝潢係傳統西餐廳格局，中間無柱位個人比較鍾意店內的紅色梳發，feeling cool跟朋友各自點了2個套餐，食主菜之前，就有個好豐富既沙律吧、龍蝦湯&蒜蓉飽。講起沙律吧，想讚下佢地個青口，食上去無沙，加上少少sauce，令口感更好；亦有對健康很好既秋葵，蜜桃作為甜品。龍蝦湯方面，上碟時已經聞到好香既龍蝦味，飲落去有少少鹹，但用蒜蓉包連湯飲，味道還好。主菜方面，有草莓醬燒美國豬仔背骨 & 煎鵝肝鮮露荀炒飯。RIBS 啲肉整得冧身&juicy，唔會好乾或太硬，容易切出來食，跟草莓醬亦好夾，仲有個洋蔥圈跟粟米做配菜。鵝肝炒飯方面，就係覺得「香」，鍾意食鵝肝的話一定要試下，炒飯看似中式菜，但配上鵝肝炒出來的話，別有一番風味。總括來說，呢度地點方便、裝修格局雅典，食物水準又高，絕對值得一試。