壽司郎 (屯門市廣場1期)

Open Now

Now Closed

一講到壽司郎，真係無人唔識。品質有一定水平，但價錢不算好貴。所以不預早取票，真的有排等。假日有時間，來食一食胃飽自己個胃。😋都有一段時間無來食，入坐後見佢有出2款3食SET，就叫了來試。三食之中有齊三文魚，帶子及大蝦，真係滿足。多肉大件，咬落CHOP CHOP聲，最喜歡這種奢華口感。價錢來説都頗為化算。既然試得，就順便試試另外一款三食。墨魚類，光澤飽滿，咬落少許煙韌有水份。跟出面的又乾又韌的不同，好食！三文魚腩依舊地好食，咬下時油份溢出來，滿口魚油，肉質彈！其他壽司都好食，有試叫之前未曾品嚐過的魚類，不過不失。佢有款甜品之前無見過，就是脆皮朱古力香蕉味雪糕蛋糕。這款蛋糕，一層是香蕉味雪糕，另一層是普通蛋糕，最面有畫成條狀脆朱古力。朱古力沒什麼特別，就是最普通的朱古力，香蕉味雪糕滿有香蕉味，跟底層蛋糕是大約1：1厚度的比例。食慣甜品的我覺得沒什麼特別好食。朱古力只有面層裝飾的條狀朱古力，亦不見得跟香蕉雪糕口味上有什麼火花共鳴。反而茶碗蒸都唔錯，入面都有些材料放了入去，蛋滑夠味。每次都食到好飽離開，唔覺唔覺會點了很多。掛住日本壽司的話，間唔中來食都唔錯。