無問題 (Closed)

香港人壓力大就係人都知。 睇住樓價物價係咁升，真係笑都笑唔落。如果俾你揀香港一個世外桃源，你會想去邊一度避下世呢？我就會揀西貢。平日嘅話，你可以同朋友嚟挑戰自己行吓山。週末嘅話，可以行吓市集、睇吓人喺船上邊買魚或者睇吓人去公園放狗等。夏天嘅話，當然唔少得去海灘感受下水清沙幼囉。其實好似班外國人，咁錯坐喺餐廳度飲番幾杯、傾吓計，都係唔錯嘅選擇。今日我哋就嚟呢度食晚餐，酒就冇飲，美食就有叫。呢度嘅Happy Hour都幾抵喎，可惜今晚同媽媽黎，要節制下！下次有機會一定再試！是日餐湯配多士$50有兩款選擇：番茄湯同埋雞湯我同媽媽做各試其中之一。蕃茄湯比較下，相對酸，飲落好醒神開胃，飲落粒粒蕃茄蓉！我就鐘意個忌廉雞湯，入口creamy d，配襯簡單既面包更發展其功效!雜錦海鮮意粉慢煮濃番茄汁同巴馬臣芝士呢度嘅雜錦海鮮係好細嗰啲配料，有魷魚青口蜆肉等，我覺得如果上碟有多兩隻大蝦擺面比較吸引。鐵板燒豬扒仲食黑椒汁同埋燒汁咁普通咩？呢度嘅豬扒係配蘋果肉桂汁，甜甜地又滿佈肉桂香氣，更加帶出肉香。薯蓉夠細滑。