壹玖陸零 (Closed)

好少何呢個價錢可以食到呢個質素嘅西餐。入到去以為係伏，但當食物嚟到就覺得間餐廳都幾有心機，值得再嚟多幾次。經典西冷配薯菜真係幸好自己有叫，份量好夠，做到我想要嘅五成熟，好香都好Juicy，帶點韌道，幾滿意個扒，性價比高，勝過不少以牛扒作招牌嘅餐廳。薯條冇乜特別，唯一不足係個蒜頭唔夠淋。香草檸檬煎焗盲曹一上枱哇咗一聲，兩大塊，有啲驚自己食唔晒。有檸檬嘅清香解膩，不過魚有少少乾，整體都比較淡，如果有更多汁就好啦，因為食到後尾凍咗又冇汁就冇一開始咁好食啦，有啲扣分。咖啡不過不失，可以嘗試。