太興 (Closed)

今日同舊同事一齊食飯，幾個男人喺去食男人浪漫,就是燒味啊。太興間餐廳,裝修清潔一向都唔錯，而且食物都有唔錯嘅保證。不過今次經驗就麻麻哋，首先我哋去到嘅時候,係睇餐牌,店員已經同我地講原來已經好多燒味都賣晒。但係個時候其實先係七點鐘,作為一間燒味專賣店,有點難接受。唯一一道的燒味，我哋叫咗一個燒味雙拼，叉燒燒肉。質素來講,普通,叉燒唔錯、燒肉OK。但是這個價錢來說，不能說是出眾。叉燒係半肥瘦,肉同脂肪分布不錯，而且你可以留意到有油脂嘅光澤,皮有少少蕉香。至於燒肉,我認為皮可以再香脆少少，不過可能係唔同製法,所以無乜所謂。其他我哋轉咗叫小菜,菠蘿咕嚕肉，整體來說覺得唔錯，水平係一般以上。因為豬肉香,而且炸得好脆，酸酸地嘅醬汁一齊，非常開胃。可惜,梅菜扣肉是一個失敗。可能由於想慳錢,梅菜扣肉切得好薄好薄，實際上食到嘅只係一團肥膏,所以真正身份係一個梅菜薄切肥膏。其實最重要的是，價錢其實不便宜。如果肉係貴，可以直接把價錢提高，但不能偷工減料。