兔子兔子茶飲專賣店 (Closed)

兔子位置方便，港鐵天后站A1出口一出再過對面馬路就見到招牌，上一層樓就到兔子。之前嚟過兩次都係叫earl grey 飲，最近鍾意飲珍珠奶茶，所以叫咗杯布朗珠珠黑糖鮮奶試吓，30蚊一杯。呢度有幾個坐位可以坐低慢慢飲，杯蓋公仔好可愛，飲落都有啲黑糖味，唔算太濃，味道其實都ok，不過好奇怪飲管唔係好吸到珍珠，打開杯蓋一睇，見到部份珍珠黏住一大舊，我嘗試用飲管篤開，但好難篤開哂，最後飲剩唔少珍珠，放棄咗唔食。