鍋處

Open Now

Now Closed

因為好想食壽喜燒但又好似冇咩選擇，走入東涌順便睇下鞋。（二來好似得東涌疫情比較冇咁嚴重）先前幾個月前都黎過一次。果次點最平嘅90分鐘任食。今次想話食好少少要安格斯90分鐘啦！先黎三盒安格斯加一份都唔記得係咪豬喇。（最好全部牛啦）食完緊系繼續點牛啦！哇！跟著果三盒牛一望都知唔妥。差唔多全紅冇脂肪嘅牛。一定唔係安格斯啦！食落差好遠，鞋到呢.....好似茶餐廳啲牛肉飯啲牛咁。（冇落蘇打粉果種）心念你節省成本都唔好咁離譜吖！去尖沙咀求其一間放題都唔會係咁咯（雖然得燒肉同刷刷鍋）.....其實先前有朋友都勸我唔好為左食壽喜燒去呢度架喇。今次真係死心喇。一定唔會再去。