板長壽司 (東角Laforet) (Closed)

識我人都知道我，食飯都唔睇錢㗎。但心裏面有個底啦，一般中午幾十一百。晚飯100至300，出嚟溝女有型，就500至3000我都得。我呢個應該大概涵蓋到全香港最低級至最高級食肆，講真地痞茶几我又冇問題，去到半島「吉地四」，3-$4000一個中午，我都係咁食。因其實睇價值，要睇埋環境食品手工所有嘢。今日去板長，其實佢又唔係話好貴，但係比同級同樣等值比多左少少錢，就唔係好順氣。個刺身拼盤收二百幾蚊，我唔緊要，我照叫，大家睇睇圖片，抵唔抵食大家評論下，肉質真係新鮮，師傅衛生水平合格，雖然未去到最高級日本料理每一個動作都抹刀，但每一個程序後佢都一定清潔，咁繁忙抵讚！但份量真係爭小小，就係嗰少少。Order嘢食全程用Apps，好似好先進。但動作多咗叫做「煩」！員工都算親切有禮。我仲叫咗青瓜卷、炸薯餅。後尾一個都唔夠食，再補叫咗個壽司。我諗到我想講，青瓜卷很用心，因為佢買到枱時，紫菜仍然是香脆可口的！值得讚！壽司拼盤加多dd合乎返市場，咁就very good！小插曲我臨走留咗個紙袋，後來返去取。他們都很殷勤，如果加上失物待領指引，他們更加做得好！