有囍 (Closed)

程程生日，係佢屋企附近有間有囍餐廳，食中菜的。價錢大衆化。餐廳好光猛, 坐位舒服. 職員都好nice!我地兩個人，叫咗川弓白芷魚頭鍋，海南雞半隻，籠仔蒜蓉開邊蝦蒸糯米飯(不過程程唔鐘意食糯米飯, 所以轉咗炒飯底)，牛奶什菌蛙蛙菜。籠仔蒜蓉開邊蝦蒸炒飯底~香噴噴蒜蓉, 炒飯上舖滿一開二嘅蝦. 蝦好鮮甜. 蝦肉爽. 炒飯又香川弓白芷魚頭鍋~天氣凍，補補先。紅棗，川弓，白芷， 黨參， 北芪，當歸，准山，杞子，大魚頭。香濃嘅藥材味道濃罩住成間餐廳。當滾起之後急不及待飲咗2碗湯。好正嘅藥材味。之後仲叫咗枝竹放落湯一齊煮滾。魚頭超級新鮮.海南雞半隻~雞肉好嫩滑, 雞皮又薄又滑。配埋黑醬油、辣椒醬和薑蓉，令味道更加多元。牛奶什菇蛙蛙菜~蛙蛙菜好甜好新鮮，魚肚吸晒有牛奶嘅湯中非常鮮甜。