Video
Read full review
2018-01-21
127 views
周年紀念日，honey一早book定枱同我慶祝，起初聽見話食法國菜，上到去環境好舒服，枱與枱之間都有一定嘅距離，唔怕同honey談心果陣俾人聽到難為情🤫咁啱有個6 courses tasting menu做promo，就梗係要試下啦～不過我果日嘅第一道菜同menu唔同，係食我honey最愛嘅鵝肝，原因係北海道帶子無貨，真係開心屎我honey😅蟹肉露筍意大利飯~其實都係starter，露筍切到一粒粒好似飯咁配埋蟹肉，味道好清新，蟹肉夠甜，唔錯!sobert~食完starter係要清清個口腔，繼續享受黎緊嘅菜式😌香煎魚塊~個皮煎到好脆，每食一啖除左feel到香口，仲有好豐富嘅魚油，肉質好嫩好滑，唔似雪藏貨。香煎法國牛柳~肉質好腍，非常有肉味，食完齒頰留香；紅桑子mousse cake配濃縮咖啡雪糕。食左5道菜再黎個酸酸甜甜嘅mousse cake一啲都唔覺滯，個雪糕係畫龍點睛~話明濃縮咖啡味道真係超濃郁，仲有啲咖啡碎喺裡面，簡直贏H同M字頭雪糕幾條街。熱辣辣嘅麵包，個人覺得配自家制蕃茄乾醬係最match，因為個醬味道夠濃，酸酸地夠開胃。煎到脹卜卜嘅鵝肝香噴噴，入口即溶，配埋無花果真係一啲油
咁啱有個6 courses tasting menu做promo，就梗係要試下啦～不過我果日嘅第一道菜同menu唔同，係食我honey最愛嘅鵝肝，原因係北海道帶子無貨，真係開心屎我honey😅
蟹肉露筍意大利飯~其實都係starter，露筍切到一粒粒好似飯咁配埋蟹肉，味道好清新，蟹肉夠甜，唔錯!
sobert~食完starter係要清清個口腔，繼續享受黎緊嘅菜式😌
香煎魚塊~個皮煎到好脆，每食一啖除左feel到香口，仲有好豐富嘅魚油，肉質好嫩好滑，唔似雪藏貨。
香煎法國牛柳~肉質好腍，非常有肉味，食完齒頰留香；
紅桑子mousse cake配濃縮咖啡雪糕。食左5道菜再黎個酸酸甜甜嘅mousse cake一啲都唔覺滯，個雪糕係畫龍點睛~話明濃縮咖啡味道真係超濃郁，仲有啲咖啡碎喺裡面，簡直贏H同M字頭雪糕幾條街。
熱辣辣嘅麵包，個人覺得配自家制蕃茄乾醬係最match，因為個醬味道夠濃，酸酸地夠開胃。
煎到脹卜卜嘅鵝肝香噴噴，入口即溶，配埋無花果真係一啲油膩感都無!❤
龍蝦湯~超!級!鮮!甜! 唔係死咸又唔會苦~真係有龍蝦嘅鮮味!好飲到停唔到(即刻覺得呢個portion太細唔夠喉)!😋
焗龍蝦配火雞卷，雖然無左北海道帶子嘅襯托，但佢一啲都唔失禮，以為火雞會嚡熠熠？!大錯特錯~肉質非常幼嫩仲一啲都唔咸，龍蝦又夠新鮮彈牙，我個人覺得整體比法國牛柳好!
食完晒咁啱有位女士經過，問我地覺得啲食物如何，當然除左讚，都仲係讚!
閒談間發覺佢地對法國菜嘅堅持比好多五星酒店仲要多，希望繼續保持到水準。
Post
