酒鍋 (天文臺道) (Closed)

呢幾日香港天氣凍到好似雪櫃咁，就緊係要打邊爐祭吓五臟廟啦！最近睇報紙見到呢間咁有型嘅火鍋店＂酒鍋＂就決定一試～雖然餐廳位於一棟新大廈，但都唔難搵，尖沙咀出B2出口，沿住金巴利街即係韓國街，行到最尾過馬路就係。一出𨋢靠右手邊就見到餐廳呢個標誌，右邊仲有好新潮嘅插畫。呢間餐廳除咗有火鍋之外，仲有蒸鍋同刺身，但今日得兩個人食所以淨係試咗火鍋。打邊爐一定唔少得嘅炸魚皮同埋響鈴！呢度嘅響鈴好特別，有紫菜卷喺裏面，好薄好脆，一啲都唔油；炸魚皮我地揀咗避風塘口味，炸魚皮異常地勁脆又辣辣地，好食到停唔到口！湯底方面待應介紹咗五合一"酒火入鍋"，分別係墨汁、沙嗲、麻辣、海鮮、木瓜濃湯。特別推介木瓜濃湯同麻辣，木瓜喺火鍋中途已經煮到淋淋地，切碎個木瓜連埋盅內海鮮同濃湯一齊飲埋，又鮮又甜！平時打邊爐唔會飲湯嘅我，都飲咗兩碗！至於麻辣湯底，其他餐廳好多都會得＂麻＂或者＂辣＂，呢度平衡得幾好，可惜我唔食得好辣，所以都係淺嚐。成個鍋裡面本身海鮮料好足，兩個人食再叫多少少其他配料，已經飽到上心口。花膠蝦餃，大大粒，花膠同蝦肉一齊做餡料，爽滑彈牙，皮又薄，簡簡單單放落木瓜湯或海鲜湯就ok。美國安格斯牛，成個瀑布咁款，