北海道牛乳蛋糕

Open Now

Now Closed

經過幾次呢間舖頭，見到啲蛋糕都好想食， 不過都係食飽咗， 今日終於可以試下啦。就咁見到啲蛋糕擺曬喺度，個樣都好靚，花多眼亂，唔知食咩好。不過我知道自己眼闊肚窄，所以都係揀咗一個最想食嘅。京都抹茶麻薯紅豆撻自己好鍾意食抹茶味同埋麻薯，所以呢個撻一定係首選。 見到用店員用個盒裝住，覺得個包裝都幾靚。因為只有外賣，冇得堂食，所以迫於無奈喺附近嘅公園到打開，影下相，食咗佢。蛋糕嘅cream有一定嘅高度 ，原來個盒蓋唔夠高，所以店員蓋起嘅時候，個蛋糕已經破壞咗，冇喺舖頭度咁靚。撻皮好脆，抹茶cream好軟滑， 上面有好甜嘅紅豆，呢個味道配搭幾平均，食到抹茶味。中間一大塊麻薯， 幾煙韌。 我覺得整體幾好食。 如果可以送埋匙羹就更加方便啦。下次要試埋其他款式嘅甜品先。