TUTTO by Habitu (Closed)

假日和同事放lunch，附近幾間餐廳都要等位，見呢度可以立即入坐，所以就入左黎。呢度一向評語好差，而佢開業無耐我已黎食過，覺得唔算差。今日再黎都唔覺呢度甘差。Lunch Set有沙律和西蘭花忌兼湯，忌兼湯 “傑”而唔滑，淡而無味。主菜係鮮蝦蕃茄意大利飯和蒜香帶子意粉。鮮蝦和帶子都幾大隻，鮮蝦彈牙但就唔鮮美。意大利飯有咬口，蕃茄汁香而醒胃，我食晒大大碟既意大利飯。意粉就較為乾身，無飯甘好味。呢度既食物質素有需改善空間，但又唔算好難食。