Video
Read full review
2022-10-06
44 views
近來得知有一間餐廳叫熊貓小雲吞，以川式麻辣為主打，啱曬我呢啲本身鍾意食川菜嘅人😚 作為一個川菜迷，嚟到油塘，一於去探吓呢隻“熊貓” 😆 佢哋嘅主題係得意可愛嘅熊貓，眼見有唔少人都食緊堂食同等緊外賣，睇嚟都好受歡迎～店舖雖然唔算大，但環境乾淨，店內主題以紅色為主打，無論店內/外定係餐具/食物嘅包裝都唔難見到小熊貓嘅蹤影，好可愛嘅呢～見到餐牌都有好多唔同種類嘅川式食品，我都叫咗一啲外賣返屋企試吓🤭1. 川味金錢肚手工涼皮一向都好鍾意食涼皮，金錢肚軟淋入味～個人幾鍾意佢哋涼皮嘅質感，食落好滑，而且撈得好均勻，每塊涼皮都掛到啲辣汁，同埋配料都幾多，滿滿嘅一碗，好豐富嘅感覺！2. 黑醋涼拌木耳口感爽脆又開胃，面頭有啲蒜頭粒同芝麻，將黑木耳增添咗好幾個層次！題外話木耳對降膽固同醇血脂好有幫助，多食有益㗎‼️3. 卜卜脆炸鮮蝦雲吞好鍾意食呢啲脆卜卜嘅炸物，炸鮮蝦雲吞細細粒炸到個皮脆卜卜，再點少少酸酸甜甜嘅醬汁，的確好好味✨4. 串串鍋係大包圍嘅選擇，因為一碗有齊五香豆腐串、長洲大魚蛋、蘿蔔、振興豬肉丸/牛肉丸、台灣腸、海帶結同蓮藕片，食材吸滿湯汁後有驚喜，個汁滲有少少辣嘅香味，食唔停口！5. 麻辣鮮嫩
近來得知有一間餐廳叫熊貓小雲吞，以川式麻辣為主打，啱曬我呢啲本身鍾意食川菜嘅人😚 作為一個川菜迷，嚟到油塘，一於去探吓呢隻“熊貓” 😆 佢哋嘅主題係得意可愛嘅熊貓，眼見有唔少人都食緊堂食同等緊外賣，睇嚟都好受歡迎～店舖雖然唔算大，但環境乾淨，店內主題以紅色為主打，無論店內/外定係餐具/食物嘅包裝都唔難見到小熊貓嘅蹤影，好可愛嘅呢～見到餐牌都有好多唔同種類嘅川式食品，我都叫咗一啲外賣返屋企試吓🤭
1. 川味金錢肚手工涼皮一向都好鍾意食涼皮，金錢肚軟淋入味～個人幾鍾意佢哋涼皮嘅質感，食落好滑，而且撈得好均勻，每塊涼皮都掛到啲辣汁，同埋配料都幾多，滿滿嘅一碗，好豐富嘅感覺！
2. 黑醋涼拌木耳口感爽脆又開胃，面頭有啲蒜頭粒同芝麻，將黑木耳增添咗好幾個層次！題外話木耳對降膽固同醇血脂好有幫助，多食有益㗎‼️
3. 卜卜脆炸鮮蝦雲吞好鍾意食呢啲脆卜卜嘅炸物，炸鮮蝦雲吞細細粒炸到個皮脆卜卜，再點少少酸酸甜甜嘅醬汁，的確好好味✨
4. 串串鍋係大包圍嘅選擇，因為一碗有齊五香豆腐串、長洲大魚蛋、蘿蔔、振興豬肉丸/牛肉丸、台灣腸、海帶結同蓮藕片，食材吸滿湯汁後有驚喜，個汁滲有少少辣嘅香味，食唔停口！
5. 麻辣鮮嫩手撕雞雞肉嫩滑配上麻辣嘅醬汁，帶出雞肉嘅精華味道，係平時喺屋企整唔到嘅味🤤
6. 一口鮮蝦豚肉雲吞我鍾意佢個皮夠薄，入面嘅蝦肉豚肉嘅比例剛剛好～雖然雲吞細細粒但係好足料，一啖一粒仲可以食得好優雅，同心儀對象嚟食就最好😂😂 而且仲有幾款嘅湯底可以選擇～我叫咗超人氣重慶酸辣湯，個湯酸酸地好開胃👍👀
**見到佢哋仲有啲自家醬料可以選購，我揀咗包雞煲醬返屋企，內附已完成調味嘅醬料包，就算唔係成日煮嘢食嘅新手都可以喺屋企神還原餐廳級嘅滋味🤭 同場仲見到架上有一樽樽嘅醬料同埋醃菜，例如辣油、口水雞醬、菜脯、花生、脆脆豆等等，下次再買嚟試吓～
整體嚟熊貓小雲吞嘅嘢食講價錢好親民，而且選擇夠多，好滿足到想食辣嘅慾望🤤✨下次一定會再嚟"探熊貓"🤭
Post
