吉野家 (Closed)

自從吉野家出咗芝士雞煲之後，我一路都好想試吓，上星期六終於氹到男朋友陪我去食。雖然係星期六，而且我哋喺旺角，但係上到吉野家都唔算好難搵位，而且呢度嘅裝修每個位都有一個電磁爐，睇嚟呢度晚市應該淨係做火鍋。個芝士火鍋好精緻，有一塊紙裝住晒所有芝士同雞件同埋芝士丸，上面仲沈左好多芝士粉同埋加左好多芝士碎，個餐會附送一杯湯，我而家諗返應該係食烏冬嘅時候先加，但係我驚個芝士太濃好容易會窿底，所以一開始就倒左一半落去啦。但係原來無論你家幾多湯落去，最終都會好快窿底，都唔夠10分鐘，我已經聞到有陣唔應該出現嘅味，咁我就嗱嗱聲食晒裏面啲嘢先啦。雞件都算嫩滑，加埋啲芝士真係一絕，但係我實在太早茄湯啦，令到啲芝士冇咁稠，早知咁快窿底，我就唔會加湯啦。芝士丸個皮有啲硬，令你唔知道佢幾時熟，但係裏面啲芝士好正，可以做到拉斯嘅效果。煮煮下就會變到好似下面幅圖咁樣，有好多黑色嘅獲撈走咗出嚟，最嚴重都係加烏冬嗰陣時，啲烏冬索晒個湯浸囉味，其實我都算好忍得架啦，但係果一刻我真係食唔落。臨走嘅時候見到全場都無人食芝士雞煲，睇來佢哋已經有好豐富嘅經驗。