英王麵包店

Open Now

Now Closed

早前阿媽買過一隻朱古力muffin，食落唔會油或者乾，剛剛好仲啖啖都有朱古力粒，食完唔會頂胃，所以想再去買，點知冇晒。同一個地鐵站有兩間，不過另一間較小選擇都唔多，兩間唔知未入貨定賣晒，上次差唔多時間下午3點左右去都冇咁少。冇muffin買只好試其他，麻糬波波每隻味都唔錯，應該未試過邊間會整得唔好食。門口擺左招牌4種蛋糕，成隻朱古力蛋糕一抽就可以拎走，可惜就好膩，令我好失望。奄列三文治，本身個奄列整到比較老同乾身，理想中三文治應該咬落乾濕岩岩好，呢個價位會有少少失望，好在冇偷工減料食到最後一啖都唔會得返白麵包。蜜瓜包買左原味同朱古力味，平時新界少店舖有得買，見到必食，內餡應該一樣，但個皮好好味已經完勝。柚子跟蜜柑飲品2支特價，味道唔錯不過不失。另外買左兩罐蘋果同白桃jam，蘋果味唔錯，白桃甜少少，小朋友可能鍾意啲，仲有一罐蜜柑下次有機會試。