老長沙湘菜館 (Closed)

如果你係個大飯桶，或者對米飯有啲要求，或者已經食厭泰國香米，你可以嚟呢度試下佢地嘅東北米👍🏻。🍚東北米食落較濕，但絕對唔係廚師落多左水，而係米嘅質地係咁，濕潤軟糯，但又未至於珍珠米咁黏。佢有長米嘅香，珍珠米嘅黏，對於少食東北米嘅我幾喜歡。是日午餐：🍚脆筍炒腊肉木桶飯 +手拍青瓜前菜腊肉嘅咸香一定要配飯，淨食有啲咸。呢隻脆筍無一般筍果陣「壓」味，脆卜卜。飯真係太多，男士食都嫌多，真係大飯桶先食得晒。🍚小辣子雞木桶飯+涼拌海帶絲 而家天氣好濕，要食番啲辣祛濕先🤭。叫左BB辣，辣子雞好滑又多，啲汁撈飯一流，不過越食越辣，好在跟餐有罐可樂。⌚人多時要有啲耐心，因為即叫即整。🌟所謂粒粒皆辛苦，如果唔想浪費可以叫少飯，又者好似隔離枱熟客仔咁要個外賣盒打包，佢啲飯真心好食。❤️老闆娘話東北米好貴，為左正宗口味，貴啲都要用東北米。🈹呢度午餐已經唔貴，學生仲有七折，可惜我唔係學生🙈🍚如果你真心勁大食，放心，呢度可以免費添飯🤣。