綠野仙踪 (Closed)

今天人曰，人人生曰，食番個豐富早餐上班去。這兒的早餐由$28-$58，有西式早餐、台式麵食或waffle 早餐，包飲品一杯（台式咖啡或珍珠奶茶）。全曰經典早餐$48這waffle 早餐相當豐富，有旦、中型珍寶腸、烤蕃茄、薯餅、沙律同waffle. 這心型waffle有兩件，入口香脆，富有旦香，味道甜美，食落一如waffle 型的雞旦仔一樣，好脆好香口，不用沾任何醬汁也十分美味，極力推介！而中型珍寶腸腸衣脆皮，有少少黑椒味，彈牙有汁，不錯；薯餅十分香脆，咸香，唔油膩；而烤蕃茄熱辣辣多汁，酸酸地十分醒胃，正！而沙律菜雖然味道平平，但refresh 下味蕾又幾ok. 雖然早餐食多左，但waffle 實在味美，留待下一餐再減肥吧！台式咖啡：有別於即磨咖啡，入口富奶香，飲落有點像白咖啡的味道，少少甘香容易入口。