辛安東元祖奶奶雞 (Closed)

見朋友在面書貼了不少奶奶雞的美食照，搞得心癢癢，咁啱出開荃灣去舅父間舖，順便去食下先。六點幾黎到，未有人等位，正呀～快快入去坐低點野食先。簡單餐具，每枱都有一樽水，方便。友人點了啤酒，自己點了一罐雪梨果汁。友人話佢無食過韓國好出名嘅部隊鍋，咁好啦，叫個炮兵鍋 ($88) 試下啦，其實係部隊鍋嘅迷理版。有午餐肉，腸仔，年糕，本菇，辛辣麵，同最重要嘅半滆芝士同生蛋。湯底唔太辣，濃濃嘅泡菜味，將所有野混埋一齊又真係幾好味，份量啱啱兩個人share食。燒原條鰻魚 $148有生菜，泡菜，鰻魚汁同韓式辣醬店員話係要做成生菜包咁食嘅，鰻魚好肥美又燒得外脆肉嫩，落少少鰻魚汁辣醬調一調味，好好味，生菜清爽，食落一啲都唔會膩。主角～辛安東元祖奶奶雞 $148 要左半份同少辣，雞件都唔少，入而除左雞，仲有青瓜，薯仔，同韓式粉絲，認真飽肚。雞好淋好滑又入味，唔知點解，我覺得好似嫲嫲啲燉雞味，因為都係甜甜地同辣辣地？！總知就係好味啦！兩個人叫得太多，食唔哂，半份雞其實都夠三、四人食囉，啲粉絲吸哂啲雞汁好味呀，但超級飽，哈哈～