紅磡冰室 (Closed)

番工番到攰攰地，唔想煮，但又想搵到有住家飯既味道，咁點算好? 答案係可以去紅磡冰室， 但係佢都有分店係北角。我地一坐底，侍應就好好招呼，而且奉上例湯一碗，係免費架，一飲就知道火候十足。睇完餐牌之後，叫左個士多啤梨骨(75HKD)，茄子班腩煲(68HKD)，再加18HKD 就有碟大大既油茶。 個士多啤梨骨好好味，唔會太酸，而且甜甜地，非常開胃。茄子班腩煲非常香噴噴，用料十足，比起d大酒樓，一d都唔輸蝕。呢餐食得好滿足，又有家既味道，兩個人食埋單都係161hkd, 價錢相宜，大家都快d試下啦。