蘇媽廚房 (Closed)

朋友介紹去食蘇媽廚房，店舖嘅設計特別，我地點左煙三文魚蟹肉田園沙律同埋香草忌廉汁煙三文魚意粉，跟中湯，個湯係牛磅馬蹄，清淡得黎又健康。田園沙律同三文魚意粉個賣相都唔錯，份量都夠，沙律入面有三文魚、蘋果、火龍果同雜菜，生果同菜都好新鮮。三文魚意粉嘅三文魚都好新鮮，同埋冇落味噌，好健康。店員好nice，會同我地傾計，原來佢地仲有做到會、飯盒同私房菜，如果想一班人食住家飯，又唔想自己煮，可以打電話俾佢地落order。收費亦都唔貴，決對係良心企業。