大灰熊廚房 (Under Renovation)

涼拌青瓜味道非常好，而且唔會好辣，唔食得辣嘅朋友都絕對食到。椒鹽粟米今次都係我第一次食咁樣處理嘅粟米。咸香得嚟又好鮮甜。作為前菜小食真係唔錯。蟲草花燉湯燉湯好清，蟲草花味出哂嚟。最緊要係雖然簡簡單單，但完全程現返食材原有嘅味道。姬松茸燉湯至於依款姬松茸燉湯，飲落清潤美味。聽講姬松茸有肋健脾消脂，增強免疫力，真係幾啱飲。大灰熊小炒王一般小炒王必備嘅都是韮菜、蝦乾、豆腐同魷魚等，亦有餐廳加入五花肉絲或者豬油渣。大灰熊小炒王雖然無魷魚，但就加入咗大大隻嘅鮮蝦。大灰熊小炒王都好夠獲氣。用嚟餸飯，或者當飲啤小菜都非常掂。三色蒸蛋月牙碟好有特色，而個蒸蛋好有家嘅味道。蛋滑而香，而內裏仲混有皮蛋同咸蛋，入口蛋香層次更加豐富。