基地叁 (Closed)

是日靚晚，同朋友經過見到紫色燈幾型，一於就入去試下🤪坐低老細同員工都好好招呼，同我哋有講有笑之餘仲好有心機咁介紹餐廳嘅招牌菜，有錢菜到主菜再到嘢飲都推介左幾樣，值得加分👍🏻👍🏻👍🏻今晚叫左一個前菜，三個主菜，兩杯飲品，全部都比想像中出色🤤首先有龍蝦牛角包，呢個包超級足料，龍蝦肉同餡料多到滿寫出嚟，個包食嗰陣仲keep到好鬆脆依家係想要😚之後就係三個主菜～打頭陣有炭燒安格斯肉眼，呢個係全最正最出色嘅一道菜！我叫左三成熟，賣相靚仔，肉汁鮮甜，外香內嫩，必試之選❤️❤️❤️之後有黑松露羊架，正正常常都幾好食，而且冇乜騷味，值得一讚👍🏻仲有個薄批Pizza，呢個都超級正，可以揀三樣配菜，加埋大量芝士，焗到變流心狀態，回味無窮😆👍🏻👍🏻最後我同朋友分別叫左杯Banana Mocha 同紫薯Smoothie，Mocha拉花好靚，有陣陣香蕉香味，幾得意，Smoothie 好有驚喜，有雪糕口感，而且唔算太甜，推薦推薦❤️‍🔥埋單九百蚊左右，環境嘢食服務都高水準，物有所值，臨走同老闆傾計先知原來平時下午三點仲會有下午茶Tea set，可以再戰🤤🤤🤤