Video
Read full review
2017-03-20
1222 views
自上個月係東京番黎之後，一直對日本嘅浜燒店念念不忘。正確啲黎講，應該係對日本所有嘢都念念不忘無計啦！番到黎香港呢個現實社會，每日營營役役，番工放工，再番工放工，真係忙到抖唔到氣。難得到Happy Friday，當然要好好慰勞吓自己所以今次揀咗呢間港版浜燒店!我地2個懶人由於唔想諗嘢，見佢有2人餐，而且啲嘢都算啱食，就叫個2人餐啦！不過因為第一次黎，穩陣啲，所以我地揀咗個平啲嘅二人餐試吓味先嘛！先黎一個蟹肉蟹籽野菜沙律，沙律菜新鮮，而且蟹肉份量都唔少，配埋我最愛嘅麻醬，作為前菜黎講都唔錯！之後係刺身4點，其實即係刺身拼盤，而4點即係4款嘅意思，包括有加拿大海膽、赤蝦、三文魚同劍魚腩！最surprise 既當然係海膽，估唔到set餐都會食到海膽海膽好新鮮，一啲都唔臭，鮮甜軟滑，好耐未食過咁新鮮嘅海膽。食埋刺身，就到我最期待嘅浜燒盛合啦！有活波士頓龍蝦、活帆立貝、活鮑魚、日本蠔、活刀貝、同我係日本食完，一試難忘嘅蟹肉蟹膏甲羅燒。男朋友見佢係個餐牌都咁強調呢個「活」字，所以偷玩嘅佢當然唔會放過機會，瘋狂試吓佢地係咪真係活不過真係真金不怕紅爐火！佢地寫得係活嘅，都真係生嘅，特別係隻龍蝦，見到佢放
我地2個懶人由於唔想諗嘢，見佢有2人餐，而且啲嘢都算啱食，就叫個2人餐啦！不過因為第一次黎，穩陣啲，所以我地揀咗個平啲嘅二人餐試吓味先嘛！
先黎一個蟹肉蟹籽野菜沙律，沙律菜新鮮，而且蟹肉份量都唔少，配埋我最愛嘅麻醬，作為前菜黎講都唔錯！
之後係刺身4點，其實即係刺身拼盤，而4點即係4款嘅意思，包括有加拿大海膽、赤蝦、三文魚同劍魚腩！最surprise 既當然係海膽，估唔到set餐都會食到海膽海膽好新鮮，一啲都唔臭，鮮甜軟滑，好耐未食過咁新鮮嘅海膽。
食埋刺身，就到我最期待嘅浜燒盛合啦！有活波士頓龍蝦、活帆立貝、活鮑魚、日本蠔、活刀貝、同我係日本食完，一試難忘嘅蟹肉蟹膏甲羅燒。男朋友見佢係個餐牌都咁強調呢個「活」字，所以偷玩嘅佢當然唔會放過機會，瘋狂試吓佢地係咪真係活
不過真係真金不怕紅爐火！佢地寫得係活嘅，都真係生嘅，特別係隻龍蝦，見到佢放係個爐上面時仲係郁嘅，堅新鮮呢到係玩專人服侍，成個過程都由店員代替，攪到自己好似上賓咁! 除咗燒，佢地仲會幫你整碎啲殼，方便進食。而燒出黎嘅肉質都唔錯，不單札實，而且味道鮮甜！
帆立貝又大又厚身，店員仲會好細心咁切到細細舊，方便進食。
刀貝都一樣加咗清酒一齊燒，除咗避免燒乾之外，亦都可以同時提升鮮味。
之後就係重頭戲-蟹肉蟹膏甲羅燒，蟹蓋上放了豐滿的綠色蟹膏、蟹肉及鵪鶉蛋，仲有少少葱花，店員一邊邊攪拌邊燒，充份咁將所有食材混合。食落好軟滑，蟹肉鮮甜，仲散著住陣陣濃郁嘅蟹膏香！
如果嫌單食悶，仲可以搵埋「曾俊華」一齊出來食添！點解？因為呢間餐廳係幫你燒完蟹蓋之後，就會送上一碟「薯片」！香脆嘅薯片，配上軟滑嘅蟹膏，口感豐富之餘，食落更滋味！
呢個炸雞入口香脆得來不會太硬，雞肉咬落仲有肉汁，而且都幾嫩滑。
之後到黑松露配野菌呢個組合，兩樣都係我平時鍾意食既嘢，其實都唔會輸另外由於包咗錫紙，所以菇菇上枱仲時係好多汁。
食到呢到我都開始飽飽地，不過男朋友好似未夠喉，好彩佢仲有個野菜牛肉鍋燒烏冬，而且份量都唔細，食完男友都話飽到上心口！
終於到最後嘅甜品日本柚子雪芭！味道清甜，雪芭質地夠清新，食落仲有啲消滯感。成餐飯食其實得好舒服，唔單止有人幫你燒，店員仲會經常幫你換碟同加茶，最正係食完晒所有嘢之後，會主動幫你換一杯熱茶！香港地，唔即刻比張單你叫你走都叫好，仲比杯熱茶你，好似叫你坐多陣咁，都算唔話得！
Post
