紅豆冰室

Open Now

Now Closed

得閒同友人行到旺角就試下呢間紅豆冰室。位於旺角中心區既紅豆冰室，價錢一定會係中上價錢。環境方面係光亮同乾淨，坐位都係坐得舒服。食物就叫左個常餐,特濃沙嗲牛肉通粉（打左粒星）（$59）同英式全日早餐（$69）常餐配炒蛋火腿同牛角包，炒蛋火腿就正常發揮。牛角包有少許外脆內軟，可以再脆啲。至於特濃沙嗲牛肉通粉只可以講不過不失，並沒有文字中所講特濃，湯底亦都係唔濃稠既，牛肉係腍，唔係咬唔開既，所以呢到加番少少分。英式全日早餐有蛋沙律牛角包，炸魚柳，薯餅，辣肉腸，沙律菜，炒蛋，火腿。首先魚柳好大份，香脆唔係腍既。另外聽友人講呢到既牛角包，魚柳好食過同區某間x運冰室既英式全日早餐。另外服務方面值得一讚，店員係有禮貌，態度好。而且我見到店員清潔枱面，唔係只抹表面枱既膠版，係整張膠版攞起抹埋枱面，連枱面啲餐牌都遂張抹。呢樣真心係要讚。