咖喱至尊

Open Now

Now Closed

去開大埔超級城唔想食連鎖店，就去咗附近商場行吓，見到呢間咖喱至尊唔洗等，門口又貼晒雜誌介紹咁。餐牌寫住閘一開香飄四溢，又話一食就口碑即立，似乎佢哋對自己嘅出品好有信心。叫咗兩份午餐包例湯或熱飲，我哋各要咗一款，例湯比較淡。熱奶茶就正正常常。巴基斯坦咖喱牛腩飯嘅牛腩炆煮得夠腍， 咖喱杰身微辣兼有香料味， 伴菜方面除咗常見嘅薯仔之外， 仲有切粒番茄、青瓜同洋蔥。馬來沙爹牛肉飯就比較甜，相對起嚟味道唔太突出，牛肉個口感都好似冇牛腩咁好。門口貼住嘅雜誌介紹其實已經係好耐之前嘅事，佢巴基斯坦咖喱都OK，但如果自稱一食就口碑即立嘅話就有少少保留。