Video
Read full review
2009-01-12
11 views
某日要去太子, 一個人食飯, 又唔想食太熱氣, 之前已經知道呢度有間喵喵cafe, 雖然見到openrice人有d唔好既評價, 不過都照去睇下~入到去見到位置幾寬敞, 裝修唔錯, 仲有唔少喵喵相, 感覺良好可能座位唔多, 加上有人做左booking, 我又一個人, 所以入到去, waitress都有d難做既樣, 最後安置左我係雙人圓檯就由呢刻開始, 就已經feel到openrice人點解評價唔好喇... 比較重點就係服務態度問題, 一直都係一位waitress招呼我, 可惜服務態度欠奉, 落單擺野收錢全程黑口黑面, 答問題完全無笑容, 非常hea既感覺而且唔知係因為櫃檯設計問題, 定佢地係廚房太忙 (事實上我眼見有3個人係度做野, 但客人得4個, 仲要係得我1個既餐未出, 應該唔會忙)我幾次想落order叫野飲個d, 都幾乎要大嗌, 甚至狂揮手先有人理 呢方面實在實在要改善!另一重點, 係食物問題!晚餐係主菜, 可以係甜品、餐湯同餐飲揀2樣, 我揀左餐飲同甜品, 所以主菜先黎我點左煙三文魚天使麵, d汁ok, 配菜都唔錯, 可惜正式既主菜真係唔多掂!先講煙三文魚, 薄薄地得一塊, 都算
入到去見到位置幾寬敞, 裝修唔錯, 仲有唔少喵喵相, 感覺良好
可能座位唔多, 加上有人做左booking, 我又一個人, 所以入到去, waitress都有d難做既樣, 最後安置左我係雙人圓檯
就由呢刻開始, 就已經feel到openrice人點解評價唔好喇...
比較重點就係服務態度問題, 一直都係一位waitress招呼我, 可惜服務態度欠奉, 落單擺野收錢全程黑口黑面, 答問題完全無笑容, 非常hea既感覺
而且唔知係因為櫃檯設計問題, 定佢地係廚房太忙 (事實上我眼見有3個人係度做野, 但客人得4個, 仲要係得我1個既餐未出, 應該唔會忙)
我幾次想落order叫野飲個d, 都幾乎要大嗌, 甚至狂揮手先有人理
呢方面實在實在要改善!
另一重點, 係食物問題!
晚餐係主菜, 可以係甜品、餐湯同餐飲揀2樣, 我揀左餐飲同甜品, 所以主菜先黎
我點左煙三文魚天使麵, d汁ok, 配菜都唔錯, 可惜正式既主菜真係唔多掂!
先講煙三文魚, 薄薄地得一塊, 都算喇, 可以一部份有味, 一部份一d味都無!
而佢d天使麵, 真係超級唔得!!
根本同單單煮熟左就算既係一樣!!! 一d味都無! 仲要好硬囉!
餐飲點左熱朱古力, 都算幾好, 終於有番d正常既味道, 而且用喵喵杯裝住, 杯下面又有喵喵樣既杯墊, 賣相唔錯既
(不過個杯墊真係一張紙過膠only, 其實唔知用途何在, 可能純粹俾個喵喵樣你睇 )
另外甜品只得一款士多啤梨味雪糕, 好似我咁唔太好士多啤梨味既, 就覺得有d灰...不過賣相幾精緻, 放係細細既圓杯, 加埋花生粒同朱古力醬, 都幾好既
呢2樣野, 算係挽回點點分數...
至於喵喵, 唔知係咪天氣太凍, 得2隻係醒左, 其餘3隻都訓晒, 不過摸佢地又唔會點走, 幾好~
不過都有d野值得一讚既~
第一, 欣賞佢既佈置, 簡單得黎好舒服, 座位係沙發椅, 同張檯無咩距離, 坐得食得都舒服!
第二, 欣賞佢係賣喵喵精品櫃個度, 俾喵喵霸佔其中幾格去訓, 其實openrice已經有人post過相出黎, 不過去到見到, 都覺得好搞笑, 因為會有少少錯覺, 以為個d係喵喵公仔!
第三, d喵喵唔多行出黎, 因為佢有喵喵房, 客人就要自己入去玩喇~不過咁都好既, 起碼有d怕喵既人去到, 唔駛擔心突然有隻喵會走黎嚇你!
第四, 最欣賞係洗手間, 由於我1個人, 當日天氣又凍, 所以去洗手間要拎住一堆外套同頸巾去, 都幾擔心入面如果又窄又無位掛野, 肯定超麻煩!
點知入到去一大驚喜!! 洗手間唔單止大, 裝修又唔錯, 仲要有個張沙發椅既東西可以放野!!! 呢一點真係要讚下!!!
最後, 我走個陣, 個態度唔好既waitress竟然會轉頭同我講「拜拜」, 仲要有番少少笑容...
唉, 都算啦, 終於令我有少少理由再去呢間cafe...
so~
強烈希望唔單止可以改善服務態度, 仲要改善埋食物質素~
Post
