劉興記生煎包專門店

Open Now

Now Closed

唔明白套餐價錢貴過單點？另外，真心要改善落單上菜嘅問題，超碼俾塊號碼牌唔使咁混亂！本身睇reels期望好高，望到啲食物好吸引！但去到發現嘢食大部分用膠兜盛裝，有少少失色，感覺好似俾個位你食外賣咁！麻醬手撕雞粉皮+生煎包2個青瓜份量唔算多，但其他材料更寥寥可數！呢個餐真心唔抵食！蟹黃生煎包兩款生煎包其實都好味嘅，一咬真係會爆哂啲汁出嚟。但湯汁嘅熱度完全唔夠，失望！蟹黃拌麵唔知係咪未到蟹嘅季節，蟹膏顏色唔金黃，但蟹膏蟹肉份量算頗多。而且麵條有陣陣嘅蔥油香，雖然賣相麻麻唔吸引，但食落唔錯，蟹香味十足。百步香蔥油餅酥皮少厚，但勝在夠哂熱辣辣，蔥油味好香，而且幾濃味，算唔錯。