芋圓一 (Closed)

今日係大角咀食完飯之後，好想食d 甜野，但又唔想食傳統糖水，經過一番搜尋下，係OpenRice見到呢間甜品好似唔錯，於是就去試吓！呢期疫情關係，好多餐廳都唔使等位，甚至有折，但呢間芋圓店剛剛相反，全院滿座，誇張到呢！等左10分鐘，終於有位了！呢間小店最出名就是芋圓，仲有日式梳乎厘班戟！我今日就叫咗芋香仙草芋圓，送到黎果下，成碗野顏色好靚，五顏六色，有種治癒感覺！入面分別有芋圓，仙草，薏米，白玉，芋香汁，真係好正👍🏻👍🏻味道又唔會太甜，食完之後飽到一個點，$36大大碗！好抵食！溫馨提示：如果下次要黎食，記住食晚飯時唔好食得太飽，因為呢碗野真係好鬼飽，好足料，鍾意食芋圓嘅朋友又點可能錯過呢！