Video
Read full review
2021-05-12
1883 views
好味指數😋😋😋回頭指數⭐️⭐️開心指數🤗🤗😡😡呢間係朋友揀嘅～ 上網睇過評價都唔錯，滿滿期待！隱身響工廈地庫，都算易搵！雖然身處工廈，餐廳都幾乾淨清潔～ 唯一嘅係佢附近嘅廁所都幾驚人... 最好唔好試🙈搵過第二度先去～上咗openrice 訂位，其實個優惠有誤導🙄早鳥時段寫明「主菜餐牌8折」，睇得明丫，即係套餐冇折；然而，6pm 後嘅優惠寫明「全單9折」，雖然有寫優惠不可與其他折扣及優惠同時使用，除非佢解讀「套餐係優惠」，如果係咁，不如細節內容寫埋「優惠並不包括套餐」，又或者同早鳥時段一樣寫「主菜餐牌9折」，我照字面解讀就係整張單9折啦～去到先知套餐係冇優惠嘅，呢個做法令人好唔開心！😡😡 所以我嘅開心指數要加兩個😡😡！當然我唔想做任何爭辯啦，因為「餐廳保留一切有關行使之最終決定」！Anyways 佢冇收加一服務費，我心理當咗9折吧😅招牌2人餐（$318）🍴必食酸菜魚（中辣）賣相好靚，有菊花、辣椒同芫茜放面，一鍋有勁多魚，佢係用生魚做嘅，肉質爽，夠厚肉夠大舊同滑，冇食到骨，中辣好正，夠辣，鍋內有芽菜、金菇、薯粉，吸晒湯汁味係幾正嘅～可惜... 佢唔夠酸度，酸菜比較似咸酸菜多D，唔係一片片，有
回頭指數⭐️⭐️
開心指數🤗🤗😡😡
呢間係朋友揀嘅～ 上網睇過評價都唔錯，滿滿期待！隱身響工廈地庫，都算易搵！
雖然身處工廈，餐廳都幾乾淨清潔～ 唯一嘅係佢附近嘅廁所都幾驚人... 最好唔好試🙈搵過第二度先去～
上咗openrice 訂位，其實個優惠有誤導🙄
早鳥時段寫明「主菜餐牌8折」，睇得明丫，即係套餐冇折；然而，6pm 後嘅優惠寫明「全單9折」，雖然有寫優惠不可與其他折扣及優惠同時使用，除非佢解讀「套餐係優惠」，如果係咁，不如細節內容寫埋「優惠並不包括套餐」，又或者同早鳥時段一樣寫「主菜餐牌9折」，我照字面解讀就係整張單9折啦～去到先知套餐係冇優惠嘅，呢個做法令人好唔開心！😡😡 所以我嘅開心指數要加兩個😡😡！當然我唔想做任何爭辯啦，因為「餐廳保留一切有關行使之最終決定」！Anyways 佢冇收加一服務費，我心理當咗9折吧😅
招牌2人餐（$318）
🍴必食酸菜魚（中辣）
賣相好靚，有菊花、辣椒同芫茜放面，一鍋有勁多魚，佢係用生魚做嘅，肉質爽，夠厚肉夠大舊同滑，冇食到骨，中辣好正，夠辣，鍋內有芽菜、金菇、薯粉，吸晒湯汁味係幾正嘅～
可惜... 佢唔夠酸度，酸菜比較似咸酸菜多D，唔係一片片，有幾舊大舊到爆，咸味多過酸味...因為唔夠酸度，所以整體上有少少失望！😞 個湯用嚟撈飯係開心嘅～（如果夠酸度會仲開心）
如果你對酸度冇咩要求，呢個係真心唔錯嘅，因為真心足料～
必食酸菜魚
20 views
0 likes
0 comments
🍴回鍋肉
用咗大量嘅蔥，加埋五花腩一齊炒，個味係唔錯嘅，好惹味，不過唔知係五花腩太薄... 定係煮過咗火，D肉好乾好硬，有D係硬到咬唔到😓
回鍋肉
8 views
0 likes
0 comments
🍴酸辣海帶絲
海帶絲好爽，冇咩酸味，反而有少少麻辣味，唔錯！
酸辣海帶絲
15 views
0 likes
0 comments
🍴黑糖糍粑
糍粑係用糯米做嘅甜品，因為油炸咗，外脆內煙韌，上面有花生碎，黑糖分開上，可以隨自己鍾意嘅甜度加，做得幾好味～
黑糖糍粑
17 views
0 likes
0 comments
本身叫咗汽水（+$7）因為太口渴，再單點咗
🍴柑桔青檸蜜（$24）
清新，夠濃郁，幾解渴～
整體上有少少失望嘅～如果佢個酸菜魚嘅酸味出返D... 回鍋肉冇咁硬呢... 就perfect 啦～ 不過兩個主菜冇想像中好，係扣咗分嘅～
二人餐份量都幾大，唔太食得晒～ 如果佢跟埋餐飲會make sense D! 兩個人去，我自己建議可以叫一個酸菜魚、一個白飯、一個小吃、兩杯嘢飲！因為個魚都真係幾足料大鍋嘅～
Post
