Video
Read full review
2010-02-01
12 views
30-1-2010呢間店路過好多次都想試, 但次次唔係無位就係「閉門造車」, 見是日兩樣都唔係, 立即同朋友衝了入嚟試試.大家各自叫了撈丁餐, 跟自選「小食」 一客及一杯飲品:-「小食」係「涼拌青瓜鳳爪」-- 鳳爪已去骨, 食得方便, 質感爽滑, 仲有紅蘿蔔絲及青瓜, 配上超級勁爆酸及少少辣的醋汁 (還是魚露來的?), 夠晒開胃. 芝麻就落咗對味道都無乜幫助, 存在價值不大.凍奶茶勁多冰夠晒凍, 不過 (1) 無茶味, (2) 無甜味, (3) 只有少少奶味, 我幾時叫了「凍奶茶全走」!? 主食係五香肉丁煎蛋雞翼撈丁(薑蔥豉油汁) -- 豉油汁份量夠, 薑絲蔥絲亦唔少, 將蛋黃拮穿拌勻, 食落丁麵多一份蛋味及黏口, 不過本身淥得太腍, 再加埋蛋黃汁, 都真係好腍吓 -_-" 五香肉丁唔多夠辣, 而鹵水雞翼就幾好食, 鹵水汁夠香, 雞翼就肥大入味, 雞肉嫩滑有肉汁, 幾好食.朋友食照燒汁雞扒撈丁 -- 試了一件雞扒, 雞皮十分香脆, 不過雞肉乾到「起絲」, 真係 -_-"朋友個餐的「小食」就係格仔餅 -- 屬「散叫」的一半份量, 食了一啖係覺得好脆, 不過好乾, 無蛋香又無牛油香,
呢間店路過好多次都想試, 但次次唔係無位就係「閉門造車」, 見是日兩樣都唔係, 立即同朋友衝了入嚟試試.
大家各自叫了撈丁餐, 跟自選「小食」 一客及一杯飲品:-
「小食」係「涼拌青瓜鳳爪」-- 鳳爪已去骨, 食得方便, 質感爽滑, 仲有紅蘿蔔絲及青瓜, 配上超級勁爆酸及少少辣的醋汁 (還是魚露來的?), 夠晒開胃. 芝麻就落咗對味道都無乜幫助, 存在價值不大.
凍奶茶勁多冰夠晒凍, 不過 (1) 無茶味, (2) 無甜味, (3) 只有少少奶味, 我幾時叫了「凍奶茶全走」!?
主食係五香肉丁煎蛋雞翼撈丁(薑蔥豉油汁) -- 豉油汁份量夠, 薑絲蔥絲亦唔少, 將蛋黃拮穿拌勻, 食落丁麵多一份蛋味及黏口, 不過本身淥得太腍, 再加埋蛋黃汁, 都真係好腍吓 -_-" 五香肉丁唔多夠辣, 而鹵水雞翼就幾好食, 鹵水汁夠香, 雞翼就肥大入味, 雞肉嫩滑有肉汁, 幾好食.
朋友食照燒汁雞扒撈丁 -- 試了一件雞扒, 雞皮十分香脆, 不過雞肉乾到「起絲」, 真係 -_-"
朋友個餐的「小食」就係格仔餅 -- 屬「散叫」的一半份量, 食了一啖係覺得好脆, 不過好乾, 無蛋香又無牛油香, 只有杰撻撻又 chunky 花生醬, 唔喜歡.
「低糖豆漿」就無試了, 唔知又夠唔夠豆味及「低糖」?
小店衛生 ok, 不過屬「速食」格局始終坐得唔多舒服, 冷氣又開到勁大兼吹正頭殼頂, 食完快閃好了.
每人約 $40 埋單, 平平哋一試無妨, 不過格仔餅就係不必專程來食了, 搭多幾個站地鐵去天后 (http://www.openrice.com/restaurant/commentdetail.htm?commentid=2049560) 買好過啦.
Post
