鳴門魚市場居酒屋 (Closed)

之前見過朋友喺呢度食魚生飯, POST張相睇落幾靚, 便約埋朋友一齊唻。午市套餐價錢唔貴, 除咗主食之外, 仲有一個沙律及一碗麵鼓湯。因為我唔食魚生, 所以叫咗個滑蛋豬扒飯食, 我們再加多一個蟹肉玉子燒。玉子中間卷住蟹柳, 蛋甜甜哋, 味道唔錯。至於魚生飯, 朋友話有一片魚生感覺唔係太新鮮, 其他的都可以。至於我嗰碗豬扒飯, 蛋用了汁煮, 味道不錯, 只嫌汁是少了一點, 但豬扒就有點出事, 豬扒沒有豬味, 而且還多了一點油「益」味, 雖然唔係濃, 但感覺得到。因為朋友極力推介呢間店, 又係佢請, 所以我冇出聲, 慢慢食完佢算了。