雅苑小廚 (Closed)

今日行經觀塘，肚餓非常，眼見差唔多到3.3下午茶時間，於是入去坐低食返個Tea，休息一下。店面光猛，幾整潔，感覺幾舒服。睇下餐牌，都有不少選擇。有午餐、粉麵餐、下午茶餐。對於有選擇困難症嘅我，諗唔到想食咩。但有兩個阿姐不斷企喺面前催促我地落單。最後，老公叫左生炒骨飯+凍檸樂，而我就叫左炸雞脾配薯條+熱檸水。喺等緊食嘅短短數分鐘，阿姐突然放低餐牌，原來係另一「下午茶餐」，睇真d，原來「生炒骨飯」係有下午茶優惠。呢刻先醒起，兩個阿姐不停催促落單嘅「原因」。我地問起有無下午茶餐時，佢地一直無反應。當然我地無同佢地「爭取」，只好怪自己無睇清楚。講真，食物質素係可以，環境幾舒適。