Cafe 360 (Closed)

今日係西九龍中心食晏，塭到呢間裝修幾休閒嘅餐廳，而且重俾佢放係門口嘅廣告牌吸引到，因為有我最鐘意飲既酥皮湯。午餐選擇都幾多，叫咗焗酥皮野菌忌廉湯配黑松露汁野菌魚柳意粉。酥皮湯 : 見到實物後深深明白到理想同現實往往係兩回事黎，不過總算都聞到陣陣牛油嘅香味，不過整爛酥皮後嚇咗一跳，啲湯好似比人飲左半碗咁 ; 而味道只係金寶牌忌廉湯，一啲驚喜都無。😔 😔 而且衛生真係欠佳，個湯碗底應該上手用黎放完蛋糕無洗就攞黎用。🙄 🙄黑松露汁野菌魚柳意粉 : 無香味，個汁又無味，好似食緊齋意粉咁，魚柳亦無特別，失望加失敗。👎🏻 👎🏻埋單盛惠 $75，其實呢個價錢真係唔太值。