Video
Read full review
2013-07-12
823 views
呢間雞煲店只開咗兩個星期多, 上手係一間叫心美o既潮州菜館, 我哋都係坐低咗先知, 我相信大多老顧客都會覺得好突然, 一間咁有水準o既潮州店會結業... 既然入咗嚟就即管一試, 評頭品足下啦由於唔食得辣o既關係, 我無叫到出名o既香辣同麻辣雞煲, 但唔講唔知原來呢間店係用清遠走地新鮮雞, 所以我覺得食唔到招牌煲絶對唔係一個損失, 反而仲可以食得出由多種藥材帶出o既新鮮雞味兩個人只可以試到半隻雞($90)同幾款配料, 但基本上所有配料都好新鮮, 牛坑腩($80), 雲吞($18/份), 芝士丸($15/份), 黃沙豬潤($33), 唐生菜($10/份), 剛好飽肚, 我覺得最出色係牛坑腩, 雖然帶有少少肥膏, 但肥膏好實在好爽口, 而肉則淋身唔黐牙, 值得推介 ! 至於環境就唔多合格, 冷氣不足, 大既因為雞煲熱力關係, 而老闆根本無考慮到上手只係一間小菜館呢點, 而無响冷氣方關著手啦, 不過都希望下次去會有改善啦 !二人共消費: $260 (無加一, 茶芥)
呢間雞煲店只開咗兩個星期多, 上手係一間叫心美o既潮州菜館, 我哋都係坐低咗先知, 我相信大多老顧客都會覺得好突然, 一間咁有水準o既潮州店會結業... 既然入咗嚟就即管一試, 評頭品足下啦由於唔食得辣o既關係, 我無叫到出名o既香辣同麻辣雞煲, 但唔講唔知原來呢間店係用清遠走地新鮮雞, 所以我覺得食唔到招牌煲絶對唔係一個損失, 反而仲可以食得出由多種藥材帶出o既新鮮雞味
兩個人只可以試到半隻雞($90)同幾款配料, 但基本上所有配料都好新鮮, 牛坑腩($80), 雲吞($18/份), 芝士丸($15/份), 黃沙豬潤($33), 唐生菜($10/份), 剛好飽肚, 我覺得最出色係牛坑腩, 雖然帶有少少肥膏, 但肥膏好實在好爽口, 而肉則淋身唔黐牙, 值得推介 ! 至於環境就唔多合格, 冷氣不足, 大既因為雞煲熱力關係, 而老闆根本無考慮到上手只係一間小菜館呢點, 而無响冷氣方關著手啦, 不過都希望下次去會有改善啦 !
二人共消費: $260 (無加一, 茶芥)
Post
