南龍粥店 (Moved) New Location

夜晚十點鐘係百老匯睇完戲，想食d野但又唔係好肚餓喎，唔想食太多飽，醒起花園街有間粥店，打算食條粉腸就算，去到先知間粥店，無咗！再行前少少，見到南龍，印象中舊果間唔係叫南龍，但門口又擺放咗好鬼死大隻嘅粿蒸糉喎！舊果間粥店又係咁款喎，係咪同一間黎架？搬咗鋪？原本只想叫炸腸，牛肉腸同炒麵，口多多，叫多咗個咸肉糉。咸肉糉我中意落豉油，覺得落沙糖係細路仔食法，咸肉糉內有咸蛋黃同肥豬肉一件，無驚喜正常嘅。炒麵唔夠熱，而且咸咗d.油份過多。炸腸內嘅油炸鬼，唔夠脆冧哂咯.....最滿意係牛腸，牛肉無偷工減料，即叫即蒸夠熱，外層粉腸夠滑，掂！下次黎會點免治牛肉粥，睇吓又有無偷工減料，依家係香港食免治牛肉粥，牛肉少得可憐呀！