Video
Read full review
2020-08-31
4910 views
.去完蝴蝶谷就順便帶埋pocky嚟到十常八九打個卡，朋友話大狗都可以入室內所以就想嚟試下。因為餐廳取消咗預約制只限walkin，明明一點先開鋪但十二點已經有人等緊。佢每輪只得4枱客可以入去，仲要得兩枱係榻榻米，所以大家要盡早排隊喇！依間餐廳嘅日系裝修真係好靚，打卡一流，而且食物質素都高，值得一試。十常吐司 $72 本身以為係普通嘅吐司，點知上到嚟係一個類似煎過嘅班戟，應該係用蛋白發完再煎，口感軟滑綿密，另外仲有蜜糖同埋奶油可以加落去，絕對值得推薦。草莓忌廉奶油慕絲 $62 佢嘅芝士濃得嚟唔會好膩，外面仲有好多切半嘅士多啤梨，唔會太甜，賣相同味道唔錯。黑糖布甸 $38 布甸有好濃厚嘅蛋味，口感幾好，黑糖配搭都幾特別，但係就有啲甜。凍抹茶豆乳$45 依個就比較普通，不過味道係正常嘅。熱焙茶鮮奶$48佢嘅焙茶味好濃好香，值得一試。埋單$265，唔算好平，不過環境同埋味道都值回票價。最重要係，佢哋有份蘋果日報喺收銀處💛同埋依間餐廳真係好好，俾大狗入室內，職員仲有請pocky 食藍莓呀🥰
去完蝴蝶谷就順便帶埋pocky嚟到十常八九打個卡，朋友話大狗都可以入室內所以就想嚟試下。因為餐廳取消咗預約制只限walkin，明明一點先開鋪但十二點已經有人等緊。佢每輪只得4枱客可以入去，仲要得兩枱係榻榻米，所以大家要盡早排隊喇！
依間餐廳嘅日系裝修真係好靚，打卡一流，而且食物質素都高，值得一試。
十常吐司 $72
本身以為係普通嘅吐司，點知上到嚟係一個類似煎過嘅班戟，應該係用蛋白發完再煎，口感軟滑綿密，另外仲有蜜糖同埋奶油可以加落去，絕對值得推薦。
草莓忌廉奶油慕絲 $62
佢嘅芝士濃得嚟唔會好膩，外面仲有好多切半嘅士多啤梨，唔會太甜，賣相同味道唔錯。
黑糖布甸 $38
布甸有好濃厚嘅蛋味，口感幾好，黑糖配搭都幾特別，但係就有啲甜。
凍抹茶豆乳$45
依個就比較普通，不過味道係正常嘅。
熱焙茶鮮奶$48
佢嘅焙茶味好濃好香，值得一試。
埋單$265，唔算好平，不過環境同埋味道都值回票價。最重要係，佢哋有份蘋果日報喺收銀處💛
同埋依間餐廳真係好好，俾大狗入室內，職員仲有請pocky 食藍莓呀🥰
Post
