誰是老闆 (Closed)

今次約左個朋友係荔枝角食下午茶由於附近都係工業區，最多選擇一定係茶仔朋友建議去佢平時食開既飯堂，貪佢大件夾抵食wor 下午茶menu都好多選擇我地就點左沙律併雞脾和芝士焗肉醬意粉雞脾足足有一隻手掌甘大，而且燒得非常香口多汁，肉質咬落腍滑，味道不錯，沙律係薯仔什果沙律， 著仔份量比什果多，整體新鮮清甜，十分開胃 另外，芝士焗肉醬意粉份量算多，意粉軟硬適中，食落彈牙有咬口，酸甜蕃茄醬汁加上面層既咸芝士，焗到有少少拉絲的效果，食落惹味 以甘抵食既價錢食到吾錯既下午茶，果然值得推介